Քաղաքային շարժունակությունը կամ ընդհանրապես քաղաքային տրանսպորտը ուղևորների և ապրանքների փոխադրման մեթոդների և համակարգերի մի համադրություն է, որը ապահովում է ամենօրյա հաղորդակցություն քաղաքի տարբեր մասերի միջև: Այն սոցիալ-տնտեսական կյանքի և քաղաքների ռիթմի հիմնարար կողմերից մեկն է, որի շրջանակներում կյանքի են կոչվում տարբեր տեխնոլոգիաներ, իրականացվում են նորարարություններ, գործունեություն են ծավալում քաղաքաշինական և տնտեսական տարբեր սուբյեկտներ։

Վերջին ժամանակներում տարբեր աղբյուրներից հաճախակի կարող ենք լսել «Կայուն զարգամցան նպատակներ» եզրույթը, որը սահմանել է Միացյալ ազգերի կազմակերպությունը և դրա ներքո միավորել մարդկության առջև կանգնած մի շարք առաջնային խնդիրների լուծմանն ուղղված տեսլական։ Այդ խնդիրների շարքում, ի թիվս առողջապահության, կրթության, հավասարության, խաղաղության և այլ կարևոր հասկացությունների հիաշատակվում են մատչելի և մաքուր էներգետիկան, կլիմայի պաշտպանությունն ու կայուն զարգացող քաղաքներն ու համայնքները։